"Todo lo intenso debe ser efímero"
Carlos Monsiváis

EPHEMEROS (do grego bizantino ἐφήμερος: que dura un día) é un ciclo de eventos en espazos singulares da cidade, facendo alusión ao seu carácter fuxidío, pasaxeiro, e a que terán lugar sen unha regularidade no espazo ou no tempo. Para cada cita presentarase só os artistas, a xeito de ‘secret show’, e desvelando hora e ubicación o mesmo día do acto. Eventos temporais e que desaparecerán coma a néboa, segredos e dirixidos a un número reducido de asistentes, nunha sorte de íntima celebración. Dende a absoluta independencia de non contar con plataforma ou apoio institucional ningún, o futuro deste ciclo depende directamente do seu público. Por iso dende xa queremos agradecer a todas e todos os que fagades posible a súa continuidade no tempo. Moitas grazas.